ARTLifestyle

ՖՐԱՆԿՈՖՈՆԻԱՅԻ ԳԱԳԱԹՆԱԺՈՂՈՎԻ ՇՐՋԱՆԱԿՈՒՄ ԿԱՆՑԿԱՑՎԻ ՅԱՍՄԻՆԱ ՌԵԶԱՅԻ ԴՐԱՄԱՏՈՒՐԳԻԱՅԻՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ՇԱՐՔ

07/10/2018
feature2018

Ֆրանկոֆոնիայի գագաթնաժողովի շրջանակում Հայաստանում կանցկացվի ֆրանսիացի ժամանակակից դրամատուրգ Յասմինա Ռեզայի դրամատուրգիային նվիրված միջոցառումների շարք:

Միջոցառումների կազմակերպիչը ֆրանսիական ՝ «Սաթէ-Աթղը» թատերական միությունն է: Միջոցառումների շարքի գլխավոր իրադարձությունը հոկտեմբերի 13-ին Հովհաննես Թումանյանի անվան պետական տիկնիկային թատրոնում կայանալիք «Սպանդի Աստված»-ը ներկայացման առաջնախաղն է հայերեն լեզվով, որը հնարավոր կլինի դիտել նաև ֆրանսերեն լեզվով՝ արդեն հոկտեմբերի 15-ին: Ֆրանսերեն տարբերակում կներկայանան Ֆրանսիայից և Կանադայից ժամանած դերասաններ: LOFT-ում ցուցադրվելու է Ռեզայի «Կյանքի երեք տարբերակ» պիեսը, որը բեմադրելու են երեք ռեժիսորներ:

սպանդի աստվածներ-point89

Միջոցառումների մյուս հատվածը լինելու է վարպետության դասերի ձևաչափի մեջ: Հրավիրյալ արտիստներ Քիթ Ֆարքուարը, Մարժսլեն Օժերը, Ժորժի Բատրիկյանը և   Ժերալդ Բաբազյանը վարպետության դասընթացներ կանցկացնեն Երևանի թատրոնի և կինոյի պետական ինստիտուտում, ինչպես նաև Տիկնիկային թատրոնում:

Ինչպես նաև «Զանգակ» գրատան հետ համատեղ պլանավորվում է Յասմինա Ռեզայի «Արվեստ» պիեսի թատերականացված ընթերցումը և վերջինիս պիեսների ժողովածուների հայերեն գրքի շնորհանդեսը:

Միջոցառումների շարքը դուրս է գալու Երևանի տարածքից՝ հասանելի լինելով նաև Գորիսում և Սևանում:

Միջոցառումների մեկնարկից առաջ կազմակերպված ասուլիսին ներկա էր նաև Հայաստանում Ֆրանսիայի դեսպանության  մշակույթի և համագործակցության հարցերով խորհրդական  Ալեքս Բորտոլանը, ով իր խոսքում անդրադարձավ ֆրանսերենով և հայերենով բեմականացումների ցուցադրումների կարևորությանը:

Կարդալ նաև

Մեկնաբանել

©2016-2018 POINT89. All Rights Reserved.